amin
اهلاً ومرحباً بكم فى منتداكم ونتمنى ان نكون عند حسن ظنكم


رياضى ، ثقافي ، اجتماعى
 
الرئيسيةاليوميةس .و .جبحـثالتسجيلدخول

شاطر | 
 

 لا تقولى ماكدونالدز و لا هارديز

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 102
تاريخ التسجيل : 20/09/2011

مُساهمةموضوع: لا تقولى ماكدونالدز و لا هارديز   الإثنين يناير 21, 2013 4:13 pm

[ندعوك للتسجيل في المنتدى أو التعريف بنفسك لمعاينة هذا الرابط]
انا بقيت متحمسة و كل يوم انزل موضوع على الرغم من الاحباط اللى بيجينى نفسى احس ان المواضيع بتعجبكم
ما علينا
النهاردة جايبة اكلة بنروح ندفع فيها دم قلبنا فى المطاعم
و طبعا مش صحية خالص و مش متأكدة برده من نضافتها
فانا بضمنلكم توفير نضافة صحة
و يا رب تعجبكم
هامبورجر و بطاطس و كلوسلو
نقول
بسم الله الرحمن الرحيم
نبدأ الازل بالكلوسلو
نقطع ورق الكرنب الابيض بد طبعا ما نشيل منه العروق رفيع اوى و نبشر عليه جزر
[ندعوك للتسجيل في المنتدى أو التعريف بنفسك لمعاينة هذا الرابط]
و بعدين نضيف مايونيز وملح و سكر و خل و لبن
و نقلب كويس و بكدة يكون الكلوسلو خلص نحطه فى التلاجة لانه كل ما يقعد فى التلاجة اكتر كل ما يبقى احلا علشان كدة بأبدأ بيه
[ندعوك للتسجيل في المنتدى أو التعريف بنفسك لمعاينة هذا الرابط]
نبدأ نقطع البطاطس و انا بقطعها بالقطاعة دى علشان بتخلى شكلها حلو و كمان قرمشة اكتر خصوصا لو ها تتقلى فى الزيت
[ندعوك للتسجيل في المنتدى أو التعريف بنفسك لمعاينة هذا الرابط]
بس انا ها اعملها بطريقة اخف
هاسلقها الاول نص سلقة
و هاضيف عليها و هى بتتسلق ملح و عود قرفة و ورقة لورى و كام عود قرنفل
على ما البطاطس تتسلق نتبل اللحمة
انا افضل اللحمة المجمدة و طبعا تكون ماركة مضمونة لانه بيكون مضاف ليها فول صويا و بالتالى بيكون الطعم زى البرجر الجاهز
هنتبلها بملح و جنزبيل و فلفل بحبهان و بهارات و بودرة توم و بودرة بصل و عصير ليمون و معلقة كاتشب
[ندعوك للتسجيل في المنتدى أو التعريف بنفسك لمعاينة هذا الرابط]
و نقلبها كويس و نسيبها شوية على ما نجهز التومية و الكاتشب بالمايونيز
[ندعوك للتسجيل في المنتدى أو التعريف بنفسك لمعاينة هذا الرابط]
الكاتشب بالمايونيز
نجيب معلقة كاتشب و معلقة مايونيز و نقلبهم كويش و ندوبهم فى بعض كأننا بنعمل طحينة علشان مايبقاش فيه كلكيع مايونيز
التومية
ناخد وحدتين بطاطس من اللى اتسلقت و نهرسهم كويس و نضيف عليهم فص توم مدقوق و معلقة مايونيز و معلقة زبادى و ملح و نخفهم بشوية مية صغيرين و برده ندوبهم كويس
[ندعوك للتسجيل في المنتدى أو التعريف بنفسك لمعاينة هذا الرابط]
تكون البطاطس خلاص اتسلقت نصفيها كويس و نحطها فى صينية و نرش عليها ملح و فلفل و معلقتين زيت و نقلبهم كويس بس براحة علشان ما تتهريش و ندخلها الفرن
و نبدأ بقى فى الهمبرجر
انا بجيب كيس و افرد عليه الهمبرجر علشان يكون رفيع و ما يتقطعش منى لانى هافرده دايرة كبيره شوية علشان لما يكش يبقى حجمه حلو و ارفعه بالكيس و احطه على الصاج و ارفع الكيس و اعمل عليه تانى لحد ما اخلص
انا بعمله على ورقة فويل على صاج الفرن علشان يكفى الكمية بدل ما اعمل كام صينية
[ندعوك للتسجيل في المنتدى أو التعريف بنفسك لمعاينة هذا الرابط]
كدة خلصنا كل الكمية و ها ندخلها الفرن
[ندعوك للتسجيل في المنتدى أو التعريف بنفسك لمعاينة هذا الرابط]
و نبص على البطاطس لو بدأت تتحمر نقلبها و على ما يستوى البرجر و البطاطس
نجيب طاسة و نحطها على النار و نحط عليها العيش كدة
[ندعوك للتسجيل في المنتدى أو التعريف بنفسك لمعاينة هذا الرابط]
لحد ما تخلص العيش كله يتحمص يعنى ندهن قاعدة العيش بالكاتشب و على الجزء التانى نحط الجبنة الشيدر
[ندعوك للتسجيل في المنتدى أو التعريف بنفسك لمعاينة هذا الرابط]
دلوقتى البطاطس استوت و اتحمرت و بقت تمام و نقلب بقى البرجر
[ندعوك للتسجيل في المنتدى أو التعريف بنفسك لمعاينة هذا الرابط]
و نعمل فى طاسة كبيرة بيضتين امليت علشان يبقى رفيع
و نحط البيض و الطماطم و الفلفل الاخضر على العيش
انا بشوى الطماطم و الفلفل بمعلقة زيت و خل فى الفرن بيكون طعمه حلو اوى
[ندعوك للتسجيل في المنتدى أو التعريف بنفسك لمعاينة هذا الرابط]
البرجر استوى نحطه على العيش
[ندعوك للتسجيل في المنتدى أو التعريف بنفسك لمعاينة هذا الرابط]
و خلاص نقفل السندوتش
ها الاكل خلص
دة طبق مع الكاتشب بالمايونيز
[ندعوك للتسجيل في المنتدى أو التعريف بنفسك لمعاينة هذا الرابط]
و دة مع التومية
[ندعوك للتسجيل في المنتدى أو التعريف بنفسك لمعاينة هذا الرابط]
ها تمام كدة
سلااااااااااااااااااااااااااااااام
الرجوع الى أعلى الصفحة اذهب الى الأسفل
http://amin.allgoo.net
 
لا تقولى ماكدونالدز و لا هارديز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
amin :: المستر :: منوعات :: بنات وبس-
انتقل الى: